Dómarar neikvæðir í garð Eyjamanna

Sigurður Bragason, fyrirliði ÍBV í handbolta, er ekki sáttur við dómgæslunni í leikjum liðsins að undanförnu. Telur hann meðal annars að dómarar byrji leiki í Vestmannaeyjum neikvæðir í garð heimaliðsins. Þetta segir Sigurður í Fréttaljósi, þætti á sjónvarpsstöðinni Fjölsýn, sem sýndur verður á sunnudag en greint er frá því á Eyjafréttum.is í dag. Sigurður segir dómarana ekki ætla sér hlutdrægnina en áður hafi það gerst ósjálfrátt að dómararnir færu í vörn þegar hiti væri kominn í mannskapinn. Nú séu þeir hins vegar komnir með neikvæðnina í undirmeðvitundina áður en leikur hefjist.