Portland Spánarmeistarar

Portland San Antonio tryggði sér í gærkvöld Spánarmeistaratitilinn í handbolta karla þegar liðið sigraði Adeamr Leon, 27-24 í lokaumferð úrvalsdeildarinnar þar í landi. Ólafur Stefánsson og félagar í Ciudad Real hefðu hampað titlinum ef Portland liðið hefði tapað sínum því Ciudad unnu stórigur á Teucro, 36-25 þar sem Ólafur skoraði 2 mörk. Portland San Antonio lauk keppni efst með 56 stig í 30 leikjum í deildinni og Ciudad Real aðeins einu stigi á eftir með 55 stig. Ademar Leon hafnaði í 3. sæti og Evrópumeistarar Barcelona urðu í 4. sæti, bæði með 50 stig.