Kröfurnar kynntar

Frestur sem gefinn var til að setja fram kröfur um eignarréttindi vegna meðferðar þjóðlendumála á Norðausturlandi er runninn út. Kynning á kröfum fjármálaráðherra sem og annarra sem gert hafa kröfur eða gagnkröfur um eignarréttindi er hafin á vegum óbyggðanefndar hjá sýslumanninum á Seyðisfirði og Húsavík. Kynningin stendur til 30. júní næstkomandi og skorar óbyggðanefnd á þá sem hagsmuna eiga að gæta á svæðinu að kynna sér gögnin hjá sýslumannsembættunum, en athugasemdir verða að berast nefndinni fyrir 11. júlí næstkomandi. Óbyggðanefnd veitti fjármálaráðherra fyrir hönd ríkisins frest til fyrsta ágúst í fyrra til að lýsa kröfum sínum á svonefndu fimmta svæði, en það nær til Öxarfjarðar- og Raufarhafnarhrepps, Svalbarðshrepps, Þórshafnarhrepps, Skeggjastaðahrepps, Vopnafjarðarhrepps, norðurhluta Fljótsdalshéraðs og Fljótsdalshrepps.Þessi frestur var síðan framlengdur til síðustu áramóta. Óbyggðanefnd kannar og sker úr um mörk þjóðlendna og eignarlanda og úrskurðar um eignarréttindi innan þjóðlendna.