AC Milan fær Christian Vieri

AC Milan gerði í dag 2 ára samning við ítalska landsliðssóknarmanninn Christian Vieri en aðeins nokkrir dagar eru síðan hann fékk sig lausan undan samningi hjá erkifjendunum í Inter Milan. Búist var við að Vieri myndi spreyta sig á Englandi og hafði Newcastle t.d. spurst fyrir um hann en leikmaðurinn þarf þá alla vega ekki að pakka búslóðinni sinni í bili. Ekki er vitað hvort þetta hefur áhrif á framtíð argentínska sóknarmannsins Hernan Crespo sem er í láni hjá AC Milan en hann berst fyrir því að losna undan böndum Chelesa til að geta samið við AC Milan.