Unglingar valdir í golflandsliðið

Staffan Johansson, landsliðsþjálfari Íslands í golfi hefur valið fjóra kylfinga til að keppa á Evrópumóti karla sem fram fer í Belgíu dagana 17. - 20. ágúst n.k.  Keppt verður á Antwerpen "Rinkven" golfvellinum.  Íslensku keppendurnir eru Heiðar Davíð Bragason GKJ, Kristján Þór Einarsson GKJ, Magnús Lárusson GKJ og Ólafur B. Loftsson NK. Kristján Þór og Ólafur eru ennþá í unglingaflokki og gerðu nýverið góða hluti á áskorendamóti piltalandsliða í Póllandi þar sem Ísland endaði í 2. sæti og vann sér rétt til að keppa á Evrópumóti piltalandsliða á næsta ári.