Luque frá í sex vikur

Sóknarmaðurinn Alberto Luque hjá Newcastle verður frá keppni í allt að sex vikur eftir að hann var borin af velli í leik liðsins gegn Fulham í gær, en hann er meiddur á læri. Luque, sem kostaði Newcastle 9,5 milljónir sterlingspunda frá Deportivo á dögunum, var borinn af velli í gær í fyrri hálfleik og lýsti meiðslunum þannig að sér hefði liðið eins og hann hefði verið stunginn með hníf. "Þetta eru alvöru meiðsli, eða eins og sjúkraþjálfarinn hefði orðað það - "sex vikna pakki"," sagði Graeme Souness, sem er einnig án Kieron Dyer og Emre, sem báðir eru meiddir.