Makaay klár með Bayern

Hollenska markamaskínan Roy Makaay verður í liði Bayern Munchen sem sækir Rapid Vín heim í Meistaradeildinni á miðvikudag. Makaay varð fyrir því óláni að meiðast á hné fyrir nokkru og missti af leik liðsins í þýsku úrvalsdeildinni um helgina. Hann hefur nú fengið grænt ljós á að spila í meistaradeildinni á miðvikudag, eftir að hafa gengist undir læknisskoðun í dag. Makaay hefur skorað sex mörk í aðeins þremur leikjum með Bayern í deildarkeppninni og er sannarlega sjóðheitur þessa dagana.