Snorri Steinn skoraði 5 í tapleik

Arnór Atlason skoraði eitt mark þegar Magdeburg vann nýliða Concordia Delitzscha, 36-24, í þýsku úrvalsdeildinni í handknattleik í gærkvöldi. Hamburg lagði Dusseldorf , 41-24. Markús Máni Michaelsson skoraði eitt mark fyrir Dusseldorf. Kíl sigraði Minden, 38-27. Snorri Steinn Guðjónsson skoraði fimm mörk fyrir Minden. Lemgo, Kronau, Gummersbach og Kíl eru efst og jöfn í þýsku úrvalsdeildinni með sex stig. Magdeburg er í fimmta sæti með fimm stig en hefur leikið leik meira. Skjern sigraði Arhus, 30-29, í dönsku úrvalsdeildinni. Vignir Svavarsson skoraði þrjú mörk fyrir Skjern og Jón Þorbjörn Jóhannesson skoraði eitt. Fredericia sigraði Holstebro, 28-25. Fannar Þorbjörnsson, sem leikur með Fredericia, fékk að líta rauða spjaldið í leiknum. Hannes Jón Jónsson og Gísli Kristjánsson skoruðu tvö mörk hvor þegar Ajax tapaði á heimavelli fyrir Svendborg, 29-26.