440 uppreisnarmenn handsamaðir

Fjögur hundruð og fjörutíu uppreisnarmenn hafa nú verið handsamaðir í borginni Tal Afar í norðurhluta Íraks. Átta þúsund og fimm hundruð írakskir og bandarískir hermenn hafa undanfarna tíu daga ráðist á öll vígi uppreisnarmanna í borginni og alls hafa nærri hundrað og áttatíu manns fallið í valinn, þar af fimmtán hermenn. Sjítar í landinu hafa borgað fyrir árásirnar dýru verði því al- Zarqawi, leiðtogi al-Qaida í landinu, lýsti yfir stríði á hendur þeim og hrina árása um allt land undanfarna viku hefur kostað meira en tvö hundruð og fimmtíu sjíta lífið.