Neikvætt fyrir lögregluna

Það hefur verið ákveðið að áfrýja til Hæstaréttar og ég tel skynsamlegast að bíða eftir því, segir Einar K. Guðfinnsson þingflokksformaður Sjálfstæðisflokksins um Baugsmálið eftir að því var vísað frá dómi. "Það er með þetta mál eins önnur að rétt er að láta dómstóla um að kveða upp dóma. En úrskurðurinn er vitanlega neikvæður fyrir lögregluna og saksóknara málsins." Einar vill ekki tjá sig um það hvort rétt sé af löggjafanum að fara yfir vinnubrögð hjá efnahagsbrotadeild Ríkislögreglustjóra. "Ég býst við að þar á bæ sjái menn ástæðu til þess að fara yfir málin," segir Einar K. Guðfinnsson.