Þeir eru að reyna að flæma mig í burtu

Vandræðagemsinn Laurent Robert hjá Portsmouth segir að verið sé að reyna að flæma sig í burtu frá liði Portsmouth og segir að hann fái allar skammirnar í kjölfar hörmulegs gengis liðsis.

Robert hefur ekki verið í liði Portsmouth undanfarið vegna agabrota og þegar hann var spurður af hverju hann væri ekki í liðinu, svaraði hann afdráttarlaust; "Ég veit það ekki, þið verðið að spyrja stjórnarformanninn, ég skil þetta ekki. Það er eins og mér sé kennt um að liðinu gangi illa. Ég held að það sé fólk hjá félaginu sem er að reyna að flæma mig í burtu," sagði Robert við News of the World og bætti við að hann væri æfur yfir því að vera ekki í aðalliðinu, heldur hafi hann verið látinn æfa með þremur krökkum.