Yakubu fer ekki í Afríkukeppnina

Nígeríski sóknarmaðurinn Yakubu hjá Middlesbrough hefur gefið út að hann muni ekki fara í Afríkukeppnina með landsliði sínu í næsta mánuði, en hann hefði misst úr sex til níu leiki í deildinni með Boro ef af því hefði orðiðið.

"Ég er búinn að hringja í Nígeríska knattspyrnusambandið og hef tilkynnt að ég muni ekki koma í Afríkukeppnina. Ég á ekki mjög gott samband við landsliðsþjálfarann og ég held að sé best að ég verði bara á Englandi og spili með Middlesbrough. Þetta var erfið ákvörðun, en ég er sáttur við hana," sagði Yakubu.