Beckham á ekki skilið að vera í landsliðinu

Fyrrum landsliðsmaðurinn Chris Waddle gaf það út í viðtali við BBC í gær að fyrirliðinn David Beckham ætti ekki skilið að halda sæti sínu í enska landsliðinu á miðað við þá spilamennsku sem hann hefði sýnt að undanförnu.

"Beckham hefur ekki verið að spila vel upp á síðkastið og ég held að menn ættu að taka hann út úr liðinu og setja Steven Gerrard frekar á hægri kantinn. Gerrard er búinn að leika hreint út sagt frábærlega síðan Benitez setti hann í þá stöðu. Beckham er auðvitað fyrirliði liðsins og ég er nú nokkuð viss um að hann fái að spila áfram þrátt fyrir allt," sagði Waddle og lýsti einnig yfir áhyggjum sínum yfir rauðu spjöldunum sem Beckham hefur verið að fá í vetur.