Ný keppnisgögn útbúin

Borgarráð hefur ákveðið að halda áfram með hugmyndasamkeppni um heildarskipulag Vatnsmýrarinnar.

Úrskurðarnefnd útboðsmála ógilti fyrra útboð þar sem það samrýmdist ekki reglugerð um opinber innkaup á Evrópska efnahagssvæðinu að nota tvær leiðir í útboði. Önnur var undir nafnleynd og hin undir nafni.

Dómnefnd verður falið að útbúa ný keppnisgögn, þar sem tekið verður mið af úrskurðinum.

Með ákvörðuninni er tekið af skarið um að heildarskipulag muni liggja fyrir áður en einstakir reitir Vatnsmýrarinnar koma til uppbyggingar á næstu árum.