Grunuð um að selja fíkniefni

Tvennt var handtekið á Akureyri í fyrrinótt, maður á þrítugsaldri og kona rúmlega átján ára, og fíkniefni sem þau höfðu í vörslu sinni gerð upptæk.

Lögreglu var gert viðvart rétt fyrir hálf þrjú leytið um nóttina, vegna óláta á gistiheimili í bænum. Næturverði á gistiheimilinu hafði verið hótað líkamsmeiðingum þegar hann reyndi að vísa fjórum gestum út vegna óláta.

Þegar lögregla kom á vettvang, var ákveðið að líta inn þar sem um góðkunningja lögreglunnar var að ræða. Inni fundust um 150 grömm af hassi í neysluskömmtum og eitthvað af e-töflum. Fólkið sem var handtekið hafði herbergið á leigu og var því sleppt í gær eftir yfirheyrslur. Málið telst upplýst.