Vill ekki tjá sig

Guðmundur Viðar Mete, leikmaður Keflavíkur, er ekki tilbúinn að svara þeim alvarlegu ásökunum sem Hjörtur Hjartarson, leikmaður ÍA, bar hann í Kastljósinu á þriðjudag. Hjörtur Hjartarson viðurkenndi í þættinum að hafa kallað Guðmund "Tyrkjadjöful" en sagði jafnframt að Guðmundur væri ekki saklaus enda hefði hann ögrað sér, hótað sér lífláti sem og líkamsmeiðingum. Hjörtur segir Guðmund einnig hafa látið ófögur orð falla um móður sína.

Guðmundur sagðist ekki vilja tjá sig um málið á opinberum vettvangi en myndi tala við KSÍ ef sambandið óskar eftir því.

Hann má segja það sem hann vill. Ég veit bara að hann spilaði í tólf mínútur en gerði allt brjálað á þeim tíma, sagði Guðmundur við Fréttablaðið í gær.