Safnað fyrir Indland

Árlegir styrktartónleikar á vegum Vina Indlands verða haldnir í Salnum, Tónlistarhúsi Kópavogs annað kvöld. Margir af ástsælasta tónlistarfólki landsins stígur þar á stokk og ljær góðu málefni lið en má þar nefna söngkonurnar Jóhönnu Vigdísi Arnardóttur og Signý Sæmundsdóttur, sellóleikarann Gunnar Kvaran, Guðnýju Guðmundsdóttur fiðluleikara, Gerrit Schuil píanóleikara og Kammerkór Langholtskirkju sem syngur undir stjórn Jóns Stefánssonar.

Vinir Indlands er félag sjálfboðaliða sem hefur það að markmiði að að styðja fátæk börn og munaðarlaus í Suður-Indlandi til náms, til dæmis með fjársöfnun af ýmsu tagi. Styrktartónleikarnir eru stærsta fjáröflunarleið félagsins en félagið ræðst nú í sitt stærsta verkefni til þessa, sem er bygging heimilis fyrir munaðarlaus börn sem misstu foreldra sína í flóðbylgjunum í desember á síðasta ári. Allt starf félagsins fer fram í sjálfboðavinnu og er unnið í nánu samstarfi við indverska sjálfboðaliða.

Að lokum tónleikunum munu félagar úr Vinum Indlands segja frá félaginu og ferð sinni til Indlands síðastliðið sumar í máli og myndum. Allir listamenn gefa vinnu sína til styrktar málefninu og rennur söfnunarféð því óskipt til verkefna í Tamil Nadu héraði í Indlandi.

Tónleikarnir fara fram kl. 20 annað kvöld.