Eldur í trommum

Eldur kom upp í trommusetti rokksveitarinnar Guns N"Roses á tónleikum í Los Angeles í síðustu viku. Eldurinn kviknaði í laginu November Rain.

Talið er að neisti hafi komist í settið en auðveldlega tókst að slökkva eldinn og engum varð meint af.

„Ég hef aldrei lent í því áður að það kvikni í trommunum,“ sagði söngvarinn Axl Rose við áhorfendur. „Það var gaman af þessu. Kannski gerum við eins og með trommarann í Spinal Tap, sprengjum hann í loft upp.“

Næsta plata Guns N"Roses, Chinese Democracy, er væntanleg næsta vor.