Stjarnan bikarmeistari 2006

Stjarnan lagði Hauka 24-20 í úrslitaleik SS bikarsins í handknattleik karla í dag. Roland Valur Eradze var maður dagsins og varði 27 skot í marki Stjörnunnar. Haukar höfðu frumkvæðið framan af leik og voru yfir í hálfleik 11-9, en sá síðari var eign Stjörnunnar.

Tite Kalandadze skoraði 7 mörk fyrir Stjörnuna og David Kekelia 5, en hjá Haukum voru þeir Jón Karl Björnsson, Freyr Brynjarsson, Arnar Pétursson og Andri Stefan með 3 hver.  Þá átti Birkir Ívar ágætan leik í marki Hauka og varði 17 skot.