Við vanmetum ekki Real Madrid

Arsene Wenger, stjóri Arsenal, hefur varað við of mikilli bjartsýni fyrir leikinn gegn Real Madrid á Highbury í Meistaradeildinni í kvöld og segir að þó sínir menn séu vissulega í góðri stöðu, sé Real Madrid hættulegt lið sem ekki megi vanmeta.

"Eins marks forysta frá fyrri leiknum er ekki mikið forskot og alls ekki nóg fyrir okkur til að leggjast bara til baka og verjast. Við verðum þó að gæta okkar vel í varnarleiknum, því Real er lið sem getur refsað þér á augnabliki," sagði Wenger.