Ný tónlistarhátíð - Rite of Spring

Ný tónlistarhátíð, Rite of Spring, verður haldin á NASA síðustu helgina í apríl. Vefsíða hátíðarinnar hefur nú opnað á www.riteofspring.is. Mr. Destiny hefur allan veg og vanda af skipulagningu hátíðarinnar en fyrirtækið skipuleggur einnig Icelandic Airwaves, stærstu tónlistarhátíð Íslands. Stefnt er á að byggja þessa hátíð upp hægt og bítandi á næstu árum.

Á nýju hátíðinni verður aðaláherslan á jazz, heimstónlist og þjóðlagatónlist en meðal hljómsveita sem búið er að bóka eru Mezzoforte, Stórsveit Nix Noltes auk hljómsveita frá Suður-Ameríku og Balkanlöndunum, svo eitthvað sé nefnt. Hátíðin er haldin í samvinnu við Icelandair.