Dæmdur fyrir fjárdrátt

Fyrrum framkvæmdastjóri Fjórðungssambands Vestfirðinga var í dag dæmdur í Hæstarétti til eins árs fangelsisvistar fyrir að hafa dregið að sér samtals sautján milljónir króna úr sjóðum sambandsins. Níu mánuðir af tólf eru skilorðsbundnir.

Maðurinn játaði sök en neitaði þeim lið kærunnar sem laut að því að hann hefði brotið af sér í opinberu starfi. Hæstiréttur staðfesti hins vegar úrskurð Héraðsdóms Vestfjarða að maðurinn hefði verið í opinberu starfi og brotið því alvarlegra en ella.