Roger Hodgson með tónleika á Broadway

Fyrrum söngvari og leiðtogi hljómsveitarinnar Supertramp Roger Hodgson mun halda hljómleika í Broadway föstudaginn 11. ágúst. Á hljómleikunum mun Roger m.a. flytja öll helstu lög Supertramp eins og t.d. Give A Little Bit, The Logical Song, Dreamer, Its Raining Again, Breakfast In America, School og Take The Long Way Home. Hljómsveitin Supertramp hefur selt yfir 50 milljónir platna á ferli sínum. Þar af seldist Breakfast In America í yfir 18 milljónum eintaka. Miðasala hefst miðvikudaginn 3. maí og verður á midi.is og eins í Skífuverslunum, Laugavegi, Kringlunni og Smáralind. Eins verður miðasala í BT verslunum Akureyri og Selfossi. Miðaverð er 5.400 krónur