Nú sagður á leið til Manchester United

Breska blaðið Daily Mail fullyrðir að Sir Alex Ferguson, stjóri Manchester United muni leggja fram tilboð í Eið Smára Guðjohnsen hjá Chelsea. Blaðið segir að Ferguson muni leggja fram átta milljóna punda tilboð í landsliðsfyrirliða Íslands.

Sagt er frá því að stjórn Manchester United hafi gefið grænt ljós á þessi kaup.

Ferguson segir að Eiður Smári muni falla vel inn í Manchester United og sé rétti leikmaðurinn fyrir þá. Eiður Smári hefur verið orðaður við ýmis lið og nú helgina voru lið eins og Barcelona og Real Madrid sögð hafa áhuga á honum. Einnig kemur fram í blaðinu að hann vilji helst vera áfram á Englandi.