Drogba hugsar málið eftir HM

Nokkur orðrómur hefur verið á kreiki á Englandi undanfarna daga um að framherjinn Didier Drogba gæti verið á förum frá meisturum Chelsea. Drogba segist ekki vera að hugsa um að fara frá félaginu, en ætlar þó að nota tímann á HM til að hugsa málið.

"Auðvitað notar maður sumarið til að fara yfir stöðuna og íhuga framtíðina, en ég á ekki von á því að standa í stórræðum. Hvaða leikmaður væri ekki spenntur að fá tækifæri til að spila með Frank Lampard, Michael Ballack og Andriy Shevchenko? Það er aftur á móti ágætt að það uppi skuli vera vangaveltur um framtíð mína, því það þýðir einfaldlega að ég er að standa mig vel," sagði Drogba, sem verður í eldlínunni með liði Fílabeinsstrandarinnar á HM.