Átta mörk í fyrri hálfleik

Nú er kominn hálfleikur í leikjunum fjórum sem standa yfir í Landsbankadeild karla. Staðan í leik Blika og Fylkis í Kópavogi er jöfn 2-2, Grindvíkingar hafa yfir 2-0 gegn KR, ÍBV er yfir 2-0 gegn Skagamönnum í Eyjum og markalaust er hjá Víkingi og FH.

Christian Christiansen og Sævar Þór Gíslason skoruðu mörk Fylkis í Kópavogi, en Marel Baldvinsson og Nenad Zivanovic svöruðu fyrir nýliða Breiðabliks. Mounir Aharandour og Paul McShane skoruðu mörk Grindvíkinga gegn KR og þeir Atli Jóhannsson og Ulrik Drost skoruðu fyrir Eyjamenn gegn ÍA.