Þvagagnir í lofti á Hróarskeldu

Já þið lásuð rétt, þvagagnir! Ég er ekkert að grínast með pissumálin hérna á Hróarskeldu. Piss og pissulykt allsstaðar. Sjúkrahúsið hérna er búið að senda frá sér aðvörun vegna pissuagna í loftinu. Það gerist þegar 75.000 tónleikagestir drekka að marga marga bjóra á dag og pissa svo þar sem þeir standa. Til að verjast þvagögnunum á maður víst að setja eitthvað fyrir andlitið á sér, ganga í gúmmískóm, og fylgjast með líðan sinni, t.d auknum hósta. Jabbadabba.

Ég held ég hafi aldrei verið kölluð pempía á ævi minni, en jesús minn góður ég mun aldrei gleyma fyrstu klósettferðinni hérna. Eftir að við höfðum tjaldað fyrstu nóttina gekk ég í myrkrinu og fylgdi þvaglyktinni á klósettin. Ég þakkaði gvuði fyrir að hafa úðað imvatni í peysuna mína á Leifsstöð og kom sjálfri mér á óvart að anda ekki í svona fjórar mínútur.

Við erum að tala um plast klósett, sem er einhversskonar kassi, sem til dæmis hefur ekki þann vinsæla möguleika að sturta niður. Það var klósett pappír þarna reyndar en ég gekk út í leiðslu með hroll í öllum líkamanum. Þetta var í eina skiptið sem ég hef notað svoleiðis klósett hérna. Tók ákvörðum um að drekka bara engan vökva svo ég þyrfti ekki að díla við þetta.

Nei, nei kannski ekki alveg, en ég sá mig ekki fyrir mér geta notað mér þessi dásamlegu klósett. Hér er líka að finna ýmiskonar önnur klósett, einhverja trébjálka, plaststauta sem er pissað í og svo auðvitað bara jörðina, sem virðist vera hvað vinsælust með þessum líka litla ilmi. Það þarf svo varla að taka fram hvað lyktin magnast í tæplega 30 gráðu hita.

Ég hugsa að ég skelli inn myndum af nokkrum týpum af klósettum.

Nú svo get ég líka sagt ykkur að áætlað er að 1,3 milljarður sé tekin útúr hraðbönkum hérna á svæðinu á meðan á festivalinu stendur og núna er búið að skila inn bjórglösum fyrir

Rúmlega fjórar milljónir. Svo pissulyktin á sjálfsagt bara eftir að aukast.

Jæja, jæja, nóg um pissumálin, ætla að skella mér á diskótek og athuga hvernig er að Dansa skaðbrennd af steikjandi sólinni.

Nei, nei kannski ekki alveg, en ég sá mig ekki fyrir mér geta notað mér þessi dásamlegu klósett. Hér er líka að finna ýmiskonar önnur klósett, einhverja trébjálka, plaststauta sem er pissað í og svo auðvitað bara jörðina, sem virðist vera hvað vinsælust með þessum líka litla ilmi. Það þarf svo varla að taka fram hvað lyktin magnast í tæplega 30 gráðu hita.

Ég hugsa að ég skelli inn myndum af nokkrum týpum af klósettum.

Nú svo get ég líka sagt ykkur að áætlað er að 1,3 milljarður sé tekin útúr hraðbönkum hérna á svæðinu á meðan á festivalinu stendur og núna er búið að skila inn bjórglösum fyrir

Rúmlega fjórar milljónir. Svo pissulyktin á sjálfsagt bara eftir að aukast.

Jæja, jæja, nóg um pissumálin, ætla að skella mér á diskótek og athuga hvernig er að dansa skaðbrennd af steikjandi sólinni sem heilsaði okkur hér í dag.

Bestu kveðjur, Hadda