Aflinn minni í júní í ár en á sama tíma í fyrra

Heildarafli íslenskra skipa í júní í ár var 10,2% minni en í fyrra, sé hann metinn á föstu verði. Aflinn í júní nam alls 133.618 tonnum en var 155.396 tonn á sama tíma í fyrra. Afli fyrstu sex mánuði ársins hefur dregist saman um 9,4% síðan í fyrra eða úr 1.166.959 tonnum í 787.813 tonn. Ástæða minni afla í ár er mikill samdráttur í loðnuafla eða sem nemur 411.000 tonnum. Á móti kemur aukinn kolmunnaafli um 50.000 tonn og aukinn botnfiskafli sem nemur 6.000 tonnum. Þetta kemur fram á vef Hagstofu Íslands.