Tekinn á 164 km hraða á bifhjóli

Einn maður á bifhjóli var tekinn fyrir of hraðan akstur á Sæbraut í nótt þar sem hann ók á 164 km hraða en þar er hámarkshraði 60 kílómetrar á klukkustund. Maðurinn, sem er erlendur ferðamaður, var sviptur ökuréttindum á staðnum. Þá veitti lögreglan einu bifhjóli eftirför á Vesturlandsvegi. Við mælingu lögreglu var hjólið á 148 kílómetra hraða en gaf svo hressilega í og þegar hjólið var kominn yfir 200 kílómetra hraða var ákveðið að hætta eftirförinni. Lögreglan hefur grun um hver þarna var á ferð en ekki hefur náðst í hann að svo stöddu.