Mark Webber formúlukappi á Íslandi

Formúlukappinn Mark Webber frá Williams Formúlu1 liðinu er mættur til Íslands. Hann mun í dag fara í heimsókn á Barnaspítala Hringsins og gefa leikföng í boði Hagkaupa. Klukkan hálf ellefu mun hann í tilefni af útgáfu Senu á nýja Formula One 2007 Playstation leiknum, etja kappi við fimm heppna þáttakendur og eru vegleg verðlaun í boði. Eins mun verða keppt í að skipta um dekk á Williams Formula 1 bíl og fær vinningsliðið ferð á Formúlu 1 keppni í Tyrklandi í ágúst.