Valur og Víkingur gerðu jafntefli

Valur og Víkingur gerðu markalaust jafntefli á Laugardalsvelli í kvöld í lokaleik umferðarinnar í Landsbankadeild karla í knattspyrnu. Skemmst er frá því að segja að leikurinn var hundleiðinlegur og fengu þeir 878 áhorfendur sem borguðu sig inn á völlinn afar lítið bitastætt fyrir peninginn í kvöld.

Íslandsmeistarar FH eru sem fyrr í efsta sæti deildarinnar með 30 stig eftir leiki kvöldsins. Keflvíkingar eru í öðru sæti með 22 stig, Valur hefur 21 stig, KR 20, Fylkir og Víkingur 19, Grindavík og Breiðablik 17 og á botninum eru ÍA og ÍBV með 14 stig.