Ekki dæma mig á mörkunum

Frank Lampard, leikmaður Chelsea og enska landsliðsins, segist vera orðinn leiður á því að frammistaða sín með enska landsliðinu sé endalaust dæmd á því hve mörg mörk hann skori.

Lampard hefur verið mjög iðinn við kolann í markaskorun hjá Chelsea síðustu tvö ár, en honum hefur ekki gengið vel að skora með enska landsliðinu upp á síðkastið.

"Þetta hljómar kannski eins og væl hjá mér, en ég vildi óska að fólk færi að hætta að dæma frammistöðu mína endalaust á því hve mörg mörk ég skora. Það er mikilvægara að spila vel saman eins og lið. Mér þótti ég til að mynda spila ágætlega gegn Andorra á dögunum þó ég væri ekki að skora, en það er ekki endilega mitt hlutverk hjá enska landsliðinu. Ég á að sjá um að boltinn fljóti vel á miðjunni og ég held ég hafi gert það sómasamlega," sagði Lampard.