Sár vonbrigði að ná ekki í landsliðið

David Beckham hefur gefið það upp að sér hafi sárnað mikið þegar Steve McClaren landsliðsþjálfari Englendinga tilkynnti honum að hann hefði ekki valið hann í hóp sinn eftir HM. Beckham er staðráðinn í að vinna sér sæti í hópnum á ný.

"Ég veit að fólk hafði verið að tala um að ég hefði átt að sjá þessi tíðindi fyrir, en ég trúði þessu ekki. Ég er ekki bitur - ég er meira vonsvikinn og ég er staðráðinn í að gera allt sem í mínu valdi stendur til að vinna mér aftur sæti í landsliðinu. Það er rosalega erfitt að þurfa frá að hverfa eftir tíu ár með liðinu og mig langaði alltaf að ná 100 leikja áfanganum," sagði Beckham, sem hefur spilað 94 landsleiki og ætlar að reyna all sem hann getur til að ná í EM hóp Englendinga.