Múslimar ráðast á danskar vefsíður

Árásir á danskar vefsíður hafa tífaldast síðan greint var frá því að ungliðar danska Þjóðarflokksins hafi gert grín að múslimum og Múhameð spámanni, á sumarhátíð sinni í sumar. Yfir þrjátíu vefsíður eru skotnar niður á hverjum einasta degi.

Og það fer ekki á milli mála hverjir eru þarna á verki. Hakkararnir finna viðkvæmar síður og mála yfir þær með veggjakroti og slagorðum eins og "Múhammeð mun sigra" og "Múhammeð er mikill." Þá hefur fjöldi líflátshótana borist til Danmerkur og nokkrir ungliðar þjóðarflokksins hafa farið í felur, af ótta um öryggi sitt.