Grótta lagði Hauka

Þrír leikir fóru fram í efstu deild kvenna í handbolta í dag. Grótta lagði Hauka örugglega 27-22, Natasja Damljamovic og Eva Kristinsdóttir skoruðu 6 mörk hvor fyrir Gróttu en Hanna Guðrún Stefánsdóttir og Sandra Stokovic skoruðu 7 hvor fyrir Hauka.

Stjarnan valtaði yfir Fram 39-18. Rakel Dögg Bragadóttir og Sólveig Lára Kjærnested skoruðu 7 mörk hvor fyrir Stjörnuna en Þórey Stefánsdóttir skoraði 5 mörk fyrir Fram.

Loks vann HK sigur á FH í Digranesi 27-24 þar sem Aukse Vysniauskaites skoraði 9 mörk fyrir HK og þær Auður Jónsdóttir og Elísa Viðarsdóttir skoruðu 6 hvor, en Ásta Agnarsdóttir skoraði 6 mörk fyrir FH og þær Linn Gaullhauge og Þóra B. Helgadóttir voru með 5 hvor.