Tap fyrir Hollandi

Íslenska kvennalandsliðið í handknattleik tapaði fyrir heimamönnum Hollendingum 32-27 í kvöld í fyrsta leik sínum á sex liða móti þar í landi. Hrafnhildur Skúladóttir og Hildigunnur Einarsdóttir skoruðu 5 mörk hvor í íslenska liðinu sem mætir Austurríki á morgun.

Hanna G. Stefánsdóttir skoraði 4 mörk fyrir Ísland í kvöld og Guðbjörg Guðmannsdóttir, Rakel Dögg Bragadóttir og Eva Margrét Kristinsdóttir skoruðu 3 mörk hver. Maður leiksins var þó líklega markvörðurinn Berglind Íris Hansdóttir í markinu en hún varði 18 skot Hollendinga.