Laxdæla

Hjá Máli og menningu er komin út Laxdæla í endursögn Brynhildar Þórarinsdóttur með myndskreytingum Margrétar E. Laxness.

Laxdæla - sagan af Kjartani, Gunnari og Bolla - hefur alla tíð verið ein vinsælasta Íslendingasagan. Í henni segir frá frændunum og fóstbræðrunum Kjartani og Bolla, vinkonu þeirra Guðrúnu Ósvífursdóttur og ástarþríhyrningi sem leiðir til blóðugs uppgjörs. Við sögu koma riddaralegir víkingar og stórlyndar konur, glæsilegar veislur, harðir bardagar og grimmilegar hefndir.

Þessi þekkta saga er hér í knappri endursögn Brynhildar Þórarinsdóttur en bókina prýða glæsilegar myndir Margrétar E. Laxness. Fjölmargir fróðleiksmolar og ljósmyndir greiða leið lesenda inn í sögusviðið.

Áður hafa komið út í sama flokki Njála og Egla.