Durian kominn til Víetnam

Hitabeltisstormurinn Durian lenti á suðurströnd Víetnam í dag. Að minnsta kosti 46 manns létu lífið vegna hans og talið er að fleiri en 300 hafi slasast. Þúsundir húsa eru einnig talin ónýt eftir storminn. Þrír sjómenn eru einnig taldir af eftir að bát þeirra hvolfdi í aðdragand stormsins.

Stormurinn, sem drap fleiri en eitt þúsund manns þegar hann fór yfir Filippseyjar, er talinn hafa verið á 117 kílómetra hraða þegar hann kom að suðurströnd Víetnam í morgun. Talið er að fleiri en ellefu þúsund hús hafi skemmst eða eyðilagst vegna veðurofsans.