Dæmdir til dauða fyrir að bjarga ekki konu

Dómstóll á Srí Lanka hefur dæmt tvo menn til dauða fyrir að valda dauða konu þegar flóðbylgjan mikla skall á eynni annan dag jóla 2004. Myndbandsupptaka sýnir þegar þeir slíta af henni hálsfesti og skilja svo eftir í vatnsflaumnum.

Af þeim 230.000 sem týndu lífi þegar flóðbylgjan mikla dundi yfir strandhéruð Indlandshafsins 26. desember 2005 voru 35.000 frá Srí Lanka. Í þeim hópi var 35 ára gömul kona, Dineti Deshika. Tveir menn koma afvífandi þar sem hún lá í vatninu en í stað þess að hjálpa henni tókur þeir hálsfesti hennar og skildu hana svo eftir í vatnsflaumnum.

Enginn bjargaði Deshiku heldur var hún skilin eftir til að drukkna. Með aðstoð myndbands af atburðinum tókst að bera kennsl á illvirkjana og draga þá fyrir dóm. Fyrst voru þeir ákærðir fyrir að stela hálsfesti konunnar en ákærunni var síðar breytt, meðal annars vegna reiðinnar sem málið vakti á Srí Lanka, í morð af yfirlögðu ráði. Í vikunni dæmdi dómstóll í Galle mennina til dauða en dómnum hefur þegar verið áfrýjað.