Blair af beinu brautinni

Tony Blair, forsætisráðherra Bretlands, lenti í óskemmtilegri uppákomu þegar hann lenti í Miami í Flórída í nótt. Þegar flugvélin sem hann var farþegi í var að aka eftir flugbrautinni í átt til flugstöðvarinnar misstu flugmenn hennar af beygju með þeim afleiðingum að vélin ók út af brautinni. Enginn hinna 343 farþega meiddist en bæði vélin, sem var frá British Airways og af gerðinni Boeing 747, og flugbrautarljósin eru nokkuð skemmd. Blair ætlar að eyða áramótunum í Flórída á heimili vinar síns, söngvarans Robin Gibb úr Bee Gees.