Streita veldur heilaskemmdun

Of mikið álag á unga hugi getur haft gríðarlega slæmar afleiðingar í för með sér. Rannsóknir hafa leitt í ljós að streitan getur valdið heilaskemmdum. Skemmdirnar valda því að barnið verður minna hæft til að fást við stress í framtíðinni, magn stresshormónsins kortisól eykst í blóðrásinni og skemmdirnar breiðast út. Þetta er vítahringur sem erfitt er að losna úr.

Svæðin sem skemmast í heilanum eru þau sem stjórna minni og tilfinningum. Eitt af algengum meðferðarúrræðum fyrir börn sem lenda í vítahringnum er að fá þau til að segja frá tilfinningum sínum og búa til sögur sem lýsa því hvernig þeim líður. Það eru einmitt svæðin sem ná í tilfinningar í minningabankann og koma þeim í orð sem skaðast svo meðferðin getur mögulega skilað minni árangri en til er ætlast vegna líkamslegs skaða.

Álagið þarf að vera mjög mikið til að skemma heilann. Ekki er verið að tala um stress vegna erfiðra heimaverkefna eða rifrilda um hvort klára þurfi fiskinn áður en ísinn er borðaður. Streitan þarf að vera það mikil að um áfallastreitu sé að ræða.