Þjóðlagahátíð brátt á enda 7. júlí 2007 02:30 Gunnsteinn Ólafsson frumkvöðull og stjórnandi Þjóðlagahátíðar á Siglufirði. Tveir dagar eru nú eftir af dagskrá Þjóðlagahátíðarinnar á Siglufirði. Henni lýkur á sunnudagskvöld. Hátíðin ber að þessu sinni heitið Ríma og eru kvæðamenn því áberandi í dagskránni. Í dag kl. 10 hefst langspilsþing á Kirkjuloftinu. Á sunnudag verða tvennir tónleikar. Það eru þau Örn Magnússon píanóleikari, Jerry Rockwell og Marit Steinsrud sem kynna þrjú forn en einföld strok og sláttuhljóðfæri á þinginu: Langspil, dulsimer úr fjöllunum, og langleikinn norska. Marit verður síðar um daginn með tónleika og kynnir langleikinn frekar í Bræðslunni. Þá verður kammerkórinn Cappella Con Moto frá Þýskalandi með tónleika kl. 17 í Siglufjarðarkirkju. Um kvöldið er uppskeruhátíð í Bátahúsinu þar sem Narodna Musk leikur fyrir dansi. Stærsti viðburður sunnudagsins eru tónleikar Sinfóníuhljómsveitar unga fólksins. Hún hefur undanfarnar vikur æft píanókonsert eftir armenska tónskáldið John Sarkissian. Konsertinn verður frumfluttur í kirkjunni á Siglufirði, sunnudaginn 8. júlí kl. 14.00 og í Neskirkju mánudaginn 9. júlí kl. 20.00. Einleikari með hljómsveitinni er landi tónskáldsins, Armen Babakhanian. Auk þess leikur hljómsveitin svíturnar tvær úr Pétri Gaut eftir Edvard Grieg í tilefni af 100 ára dánarártíð tónskáldsins. Stjórnandi og sögumaður á tónleikunum er Gunnsteinn Ólafsson. Armen Babakhanian er armenskur píanóleikari. Hann leikur gjarnan með fremstu strengjakvartettum veraldar, á borð við ungverska Takács-kvartettinn, Lark-kvartettinn enska og bandaríska strengjakvartettinn. Flutningur hans með Takács-kvartettinum á kvintett eftir Schostakovich var kjörinn besti tónlistarflutningur ársins 1995. John Sarkissian tónskáld býr og starfar í Berlín í Þýskalandi. Hann ólst upp meðal armenska minnihlutans í Íran en hefur lengst af búið í Bandaríkjunum. Hann hefur samið fjölda verka, þar á meðal sönglög, verk fyrir einleikshljóðfæri og tvo konserta fyrir píanó. Um þessar mundir vinnur hann að óperu. Sinfóníuhljómsveit unga fólksins var stofnuð 7. nóvember 2004. Hljómsveitin er skipuð rúmlega 50 nemendum úr tónlistarskólum á höfuðborgarsvæðinu sem lengst eru komnir í námi. Hljómsveitin tekst að jafnaði á við þrjú verkefni á ári. Fyrr um daginn kl. 11. er Duo Ríma með tónleika í Gránu. Þar flytja þær Erika Söderström víóluleikari og Gunnhildur Halla Guðmundsdóttir sellóleikari meðal annars nýtt verk eftir Hafdísi Bjarnadóttur. Þjóðlagahátíðin er fyrir löngu tekin að setja mikinn svip á bæjarlífið þessa daga þá hún stendur. Henni var valinn staður sökum starfs séra Bjarna Þorsteinssonar klerks og framármanns á Siglufirði, en þaðan vann hann sína miklu söfnun á íslenskum þjóðlögum. Þar er nú komið á stað setur til rannsókna á íslenskum þjóðlagaarfi. Mest lesið Pabbi fyrir tvítugt, ekkill þrítugur, afi um fertugt og veltir rúmum milljarði Áskorun Slóvenar draga sig úr Eurovision ef Ísraelar verða með Lífið Bein útsending: Haustbingó Blökastsins Lífið Pamela slær á sögusagnirnar Lífið Kynlífsstellingar sem kveikja í kofanum Lífið Vill brúa bilið milli almennings og réttarkerfisins Lífið Virkilega sláandi lífsreynsla að koma til Grindavíkur Lífið Myndaveisla: Líf og fjör á Ljósanótt Lífið Krakkatían: Eurovision, skíðasvæði og portúgalska Lífið Glæsibústaðir yfir hundrað milljónum Lífið Fleiri fréttir Einvalalið kemur fram á Karlsvöku Laufey Lín endar Evróputúrinn á Íslandi Fjarsambandinu loksins lokið Frumsýning á Vísi: Fyrsta lag Valdimars í sjö ár og liðsmenn eru Bieber ævinlega þakklátir Raftónlistarhátíðin Extreme Chill haldin í sextánda sinn næstu helgi Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Lög Sálarinnar verða að kvikmynd Enginn fær að skipta sér af tónlist Laufeyjar Tilkynnti tólftu plötuna í hlaðvarpi kærastans Sjá meira
Tveir dagar eru nú eftir af dagskrá Þjóðlagahátíðarinnar á Siglufirði. Henni lýkur á sunnudagskvöld. Hátíðin ber að þessu sinni heitið Ríma og eru kvæðamenn því áberandi í dagskránni. Í dag kl. 10 hefst langspilsþing á Kirkjuloftinu. Á sunnudag verða tvennir tónleikar. Það eru þau Örn Magnússon píanóleikari, Jerry Rockwell og Marit Steinsrud sem kynna þrjú forn en einföld strok og sláttuhljóðfæri á þinginu: Langspil, dulsimer úr fjöllunum, og langleikinn norska. Marit verður síðar um daginn með tónleika og kynnir langleikinn frekar í Bræðslunni. Þá verður kammerkórinn Cappella Con Moto frá Þýskalandi með tónleika kl. 17 í Siglufjarðarkirkju. Um kvöldið er uppskeruhátíð í Bátahúsinu þar sem Narodna Musk leikur fyrir dansi. Stærsti viðburður sunnudagsins eru tónleikar Sinfóníuhljómsveitar unga fólksins. Hún hefur undanfarnar vikur æft píanókonsert eftir armenska tónskáldið John Sarkissian. Konsertinn verður frumfluttur í kirkjunni á Siglufirði, sunnudaginn 8. júlí kl. 14.00 og í Neskirkju mánudaginn 9. júlí kl. 20.00. Einleikari með hljómsveitinni er landi tónskáldsins, Armen Babakhanian. Auk þess leikur hljómsveitin svíturnar tvær úr Pétri Gaut eftir Edvard Grieg í tilefni af 100 ára dánarártíð tónskáldsins. Stjórnandi og sögumaður á tónleikunum er Gunnsteinn Ólafsson. Armen Babakhanian er armenskur píanóleikari. Hann leikur gjarnan með fremstu strengjakvartettum veraldar, á borð við ungverska Takács-kvartettinn, Lark-kvartettinn enska og bandaríska strengjakvartettinn. Flutningur hans með Takács-kvartettinum á kvintett eftir Schostakovich var kjörinn besti tónlistarflutningur ársins 1995. John Sarkissian tónskáld býr og starfar í Berlín í Þýskalandi. Hann ólst upp meðal armenska minnihlutans í Íran en hefur lengst af búið í Bandaríkjunum. Hann hefur samið fjölda verka, þar á meðal sönglög, verk fyrir einleikshljóðfæri og tvo konserta fyrir píanó. Um þessar mundir vinnur hann að óperu. Sinfóníuhljómsveit unga fólksins var stofnuð 7. nóvember 2004. Hljómsveitin er skipuð rúmlega 50 nemendum úr tónlistarskólum á höfuðborgarsvæðinu sem lengst eru komnir í námi. Hljómsveitin tekst að jafnaði á við þrjú verkefni á ári. Fyrr um daginn kl. 11. er Duo Ríma með tónleika í Gránu. Þar flytja þær Erika Söderström víóluleikari og Gunnhildur Halla Guðmundsdóttir sellóleikari meðal annars nýtt verk eftir Hafdísi Bjarnadóttur. Þjóðlagahátíðin er fyrir löngu tekin að setja mikinn svip á bæjarlífið þessa daga þá hún stendur. Henni var valinn staður sökum starfs séra Bjarna Þorsteinssonar klerks og framármanns á Siglufirði, en þaðan vann hann sína miklu söfnun á íslenskum þjóðlögum. Þar er nú komið á stað setur til rannsókna á íslenskum þjóðlagaarfi.
Mest lesið Pabbi fyrir tvítugt, ekkill þrítugur, afi um fertugt og veltir rúmum milljarði Áskorun Slóvenar draga sig úr Eurovision ef Ísraelar verða með Lífið Bein útsending: Haustbingó Blökastsins Lífið Pamela slær á sögusagnirnar Lífið Kynlífsstellingar sem kveikja í kofanum Lífið Vill brúa bilið milli almennings og réttarkerfisins Lífið Virkilega sláandi lífsreynsla að koma til Grindavíkur Lífið Myndaveisla: Líf og fjör á Ljósanótt Lífið Krakkatían: Eurovision, skíðasvæði og portúgalska Lífið Glæsibústaðir yfir hundrað milljónum Lífið Fleiri fréttir Einvalalið kemur fram á Karlsvöku Laufey Lín endar Evróputúrinn á Íslandi Fjarsambandinu loksins lokið Frumsýning á Vísi: Fyrsta lag Valdimars í sjö ár og liðsmenn eru Bieber ævinlega þakklátir Raftónlistarhátíðin Extreme Chill haldin í sextánda sinn næstu helgi Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Lög Sálarinnar verða að kvikmynd Enginn fær að skipta sér af tónlist Laufeyjar Tilkynnti tólftu plötuna í hlaðvarpi kærastans Sjá meira
Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“