Frágangur - Megas og Senuþjófarnir Trausti Júlíusson skrifar 31. júlí 2007 08:00 Frágangur staðfestir enn einu sinni yfirburði Megasar í íslenskri poppsögu. Það er horft til baka í útsetningunum, hljómurinn er fínn og textar, lög og söngur Megasar eru framúrskarandi. Ein af bestu plötum Megasar. Fimm stjörnurFrágangur er fyrsta plata Megasar með nýju efni síðan Far þinn veg kom út árið 2001 ef frá er talin Megasukk platan Hús datt sem kom út fyrir tveimur árum. Megas hefur verið áberandi í útgáfu síðustu ára aðallega vegna endurútgáfu á fyrstu 13 plötunum hans og útgáfu á áður óútkomnu tónleikaefni, en nú er sem sagt loksins komin alvöru ný Megasarplata. Frágangur hefur að geyma 12 lög, tekin upp með Senuþjófunum sem eru í grunninn hljómsveitin Hjálmar (Sigurður Guðmundsson, Nils Olof Törnqvist, Mikael Svensson og Guðmundur Kristinn Jónsson) og Guðmundur Pétursson gítarleikari. Auk þeirra koma við sögu í einstaka lögum þau Sigríður Thorlacius söngkona, Vala Gestsdóttir víóluleikari, Maja Landin klarinettuleikari og Eiríkur Orri Ólafsson trompetleikari.Það fyrsta sem maður tekur eftir þegar maður setur Frágang í spilarann er hvað það er margt sem minnir á meistaraverk Megasar frá áttunda áratugnum. Þegar betur er hlustað verður manni ljóst að þetta getur ekki verið tilviljun, – hljómurinn og útsetningarnar sækja mikið í Millilendingu, Fram og aftur blindgötuna og sérstaklega Á bleikum náttkjólum og sums staðar er beinlínis vísað í ákveðin lög. Kvenröddin í M-nótt minnir t.d. á Diddú í Útumholtoghólablús og trommuleikurinn í byrjun Freyjufárs minnir á Paradísarfuglinn. Útsetningarnar eru hljómfagrar og poppaðar, píanóið og orgelið eru áberandi. Hér er ekki verið að reyna að brjóta blað tónlistarlega eins og stundum áður (t.d. á Höfuðlausnum og Far þinn veg). Það er einfaldlega verið að setja þessi lög Megasar í poppbúning sem virkar. Án tilgerðar.Lagasmíðarnar á Frágangi eru allar skotheldar og textarnir eru skemmtilegri en þeir hafa verið hjá Megasi í nokkurn tíma. Það er greinilegt að margir þeirra eru nýlegir; – í M-nótt fer Megas á flug með Silvíu Nótt og Niður með náttúruna er innlegg í stóriðju- og virkjanaumræðuna. Það síðarnefnda sýnir að Megas kann enn þá að ögra þó að hann passi að hafa textann nógu opinn til þess að hann verði ekki nappaður fyrir einhverja óhæfu. Það er líka skemmtileg „dirty old man“ stemning yfir plötunni sem er hvergi skýrari en í laginu Gott er að elska. Þar snýr Megas rómantískri tryggðarást Bubba í laginu Það er gott að elska upp í andhverfu sína – skefjalaust lauslæti, og dundar sér við að hugsa upp ný og ný tilbrigði við stefið: „Sveitt að fara uppá seljur eins og þig/klassi að taka aftan kvensur eins og þig/það virkar svo kúl og eitthvað krassandi á mig/það er gott að láta totta gærur eins og þig“…Eitt af því sem skiptir miklu máli á Megasarplötum er söngurinn og eins og annað er hann frábær á Frágangi, t.d. í fyrrnefndu Gott er að elska, (Minnst tíu milljón) Flóabitanótt, Heill, M-nótt og Uppskeruhátíð. Það er unun að hlusta á það hvernig Megas skælir og teygir röddina til að ná hárréttum áherslum.Framtíðin verður að skera úr um það hvort einhver laganna á Frágangi verða klassísk og komast í úrval bestu laga Megasar. Mörg þeirra hafa alla burði til þess, t.d. Gott er að elska, Niður með náttúruna, Heill og Uppskeruhátíð. Karlinn er greinilega í miklum ham því að Frágangur er aðeins fyrri plata hans af tveimur sem væntanlegar eru á árinu.Á heildina litið er Frágangur frábær plata. Ein af bestu plötum Megasar. Textarnir eru kannski ekki eins jafngóðir og á hans fyrstu plötum og sumum kann að þykja farið full langt í að stæla gömlu Megasarplöturnar á stöku stað, en hvort tveggja eru smáatriði sem skemma ekki plötu sem sannar enn eina ferðina að Megas er yfirburðamaður í íslenskri poppsögu. Mest lesið Pabbi fyrir tvítugt, ekkill þrítugur, afi um fertugt og veltir rúmum milljarði Áskorun Slóvenar draga sig úr Eurovision ef Ísraelar verða með Lífið Pamela slær á sögusagnirnar Lífið Bein útsending: Haustbingó Blökastsins Lífið Vill brúa bilið milli almennings og réttarkerfisins Lífið Myndaveisla: Líf og fjör á Ljósanótt Lífið Kynlífsstellingar sem kveikja í kofanum Lífið Krakkatían: Eurovision, skíðasvæði og portúgalska Lífið Virkilega sláandi lífsreynsla að koma til Grindavíkur Lífið Glæsibústaðir yfir hundrað milljónum Lífið Fleiri fréttir Einvalalið kemur fram á Karlsvöku Laufey Lín endar Evróputúrinn á Íslandi Fjarsambandinu loksins lokið Frumsýning á Vísi: Fyrsta lag Valdimars í sjö ár og liðsmenn eru Bieber ævinlega þakklátir Raftónlistarhátíðin Extreme Chill haldin í sextánda sinn næstu helgi Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Lög Sálarinnar verða að kvikmynd Enginn fær að skipta sér af tónlist Laufeyjar Tilkynnti tólftu plötuna í hlaðvarpi kærastans Sjá meira
Fimm stjörnurFrágangur er fyrsta plata Megasar með nýju efni síðan Far þinn veg kom út árið 2001 ef frá er talin Megasukk platan Hús datt sem kom út fyrir tveimur árum. Megas hefur verið áberandi í útgáfu síðustu ára aðallega vegna endurútgáfu á fyrstu 13 plötunum hans og útgáfu á áður óútkomnu tónleikaefni, en nú er sem sagt loksins komin alvöru ný Megasarplata. Frágangur hefur að geyma 12 lög, tekin upp með Senuþjófunum sem eru í grunninn hljómsveitin Hjálmar (Sigurður Guðmundsson, Nils Olof Törnqvist, Mikael Svensson og Guðmundur Kristinn Jónsson) og Guðmundur Pétursson gítarleikari. Auk þeirra koma við sögu í einstaka lögum þau Sigríður Thorlacius söngkona, Vala Gestsdóttir víóluleikari, Maja Landin klarinettuleikari og Eiríkur Orri Ólafsson trompetleikari.Það fyrsta sem maður tekur eftir þegar maður setur Frágang í spilarann er hvað það er margt sem minnir á meistaraverk Megasar frá áttunda áratugnum. Þegar betur er hlustað verður manni ljóst að þetta getur ekki verið tilviljun, – hljómurinn og útsetningarnar sækja mikið í Millilendingu, Fram og aftur blindgötuna og sérstaklega Á bleikum náttkjólum og sums staðar er beinlínis vísað í ákveðin lög. Kvenröddin í M-nótt minnir t.d. á Diddú í Útumholtoghólablús og trommuleikurinn í byrjun Freyjufárs minnir á Paradísarfuglinn. Útsetningarnar eru hljómfagrar og poppaðar, píanóið og orgelið eru áberandi. Hér er ekki verið að reyna að brjóta blað tónlistarlega eins og stundum áður (t.d. á Höfuðlausnum og Far þinn veg). Það er einfaldlega verið að setja þessi lög Megasar í poppbúning sem virkar. Án tilgerðar.Lagasmíðarnar á Frágangi eru allar skotheldar og textarnir eru skemmtilegri en þeir hafa verið hjá Megasi í nokkurn tíma. Það er greinilegt að margir þeirra eru nýlegir; – í M-nótt fer Megas á flug með Silvíu Nótt og Niður með náttúruna er innlegg í stóriðju- og virkjanaumræðuna. Það síðarnefnda sýnir að Megas kann enn þá að ögra þó að hann passi að hafa textann nógu opinn til þess að hann verði ekki nappaður fyrir einhverja óhæfu. Það er líka skemmtileg „dirty old man“ stemning yfir plötunni sem er hvergi skýrari en í laginu Gott er að elska. Þar snýr Megas rómantískri tryggðarást Bubba í laginu Það er gott að elska upp í andhverfu sína – skefjalaust lauslæti, og dundar sér við að hugsa upp ný og ný tilbrigði við stefið: „Sveitt að fara uppá seljur eins og þig/klassi að taka aftan kvensur eins og þig/það virkar svo kúl og eitthvað krassandi á mig/það er gott að láta totta gærur eins og þig“…Eitt af því sem skiptir miklu máli á Megasarplötum er söngurinn og eins og annað er hann frábær á Frágangi, t.d. í fyrrnefndu Gott er að elska, (Minnst tíu milljón) Flóabitanótt, Heill, M-nótt og Uppskeruhátíð. Það er unun að hlusta á það hvernig Megas skælir og teygir röddina til að ná hárréttum áherslum.Framtíðin verður að skera úr um það hvort einhver laganna á Frágangi verða klassísk og komast í úrval bestu laga Megasar. Mörg þeirra hafa alla burði til þess, t.d. Gott er að elska, Niður með náttúruna, Heill og Uppskeruhátíð. Karlinn er greinilega í miklum ham því að Frágangur er aðeins fyrri plata hans af tveimur sem væntanlegar eru á árinu.Á heildina litið er Frágangur frábær plata. Ein af bestu plötum Megasar. Textarnir eru kannski ekki eins jafngóðir og á hans fyrstu plötum og sumum kann að þykja farið full langt í að stæla gömlu Megasarplöturnar á stöku stað, en hvort tveggja eru smáatriði sem skemma ekki plötu sem sannar enn eina ferðina að Megas er yfirburðamaður í íslenskri poppsögu.
Mest lesið Pabbi fyrir tvítugt, ekkill þrítugur, afi um fertugt og veltir rúmum milljarði Áskorun Slóvenar draga sig úr Eurovision ef Ísraelar verða með Lífið Pamela slær á sögusagnirnar Lífið Bein útsending: Haustbingó Blökastsins Lífið Vill brúa bilið milli almennings og réttarkerfisins Lífið Myndaveisla: Líf og fjör á Ljósanótt Lífið Kynlífsstellingar sem kveikja í kofanum Lífið Krakkatían: Eurovision, skíðasvæði og portúgalska Lífið Virkilega sláandi lífsreynsla að koma til Grindavíkur Lífið Glæsibústaðir yfir hundrað milljónum Lífið Fleiri fréttir Einvalalið kemur fram á Karlsvöku Laufey Lín endar Evróputúrinn á Íslandi Fjarsambandinu loksins lokið Frumsýning á Vísi: Fyrsta lag Valdimars í sjö ár og liðsmenn eru Bieber ævinlega þakklátir Raftónlistarhátíðin Extreme Chill haldin í sextánda sinn næstu helgi Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Lög Sálarinnar verða að kvikmynd Enginn fær að skipta sér af tónlist Laufeyjar Tilkynnti tólftu plötuna í hlaðvarpi kærastans Sjá meira
Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“