Verkfalli aflýst hjá British Airways

Tveggja daga verkfalli flugliða hjá breska flugfélaginu British Airways hefur verið aflýst. Samningar náðust nú eftir hádegið milli félagsins og flugliða um aðalatriði deilunnar.

Verkfallið var fyrirhugað frá miðnætti í kvöld til miðnættis á miðvikudagskvöld. Sættir um laun og veikindadaga tókust loks í dag.

Þrátt fyrir að verkfallinu hafi verið aflýst er gert ráð fyrir einhverjum truflunum á flugi. Talsmaður flugfélagsins sagði Reuters fréttastofunni að ákvörðun flugliða um að hætta við verkfallið kæmi of seint til að forða truflunum. Reynt verður að koma flestum aflýstu fluganna á aftur.