Dæmdur fyrir þjófnað á heimavist á Akureyri

Karlmaður hefur í Héraðsdómi Norðurlands eystra verið dæmdur í þriggja mánaða skilorðsbundið fangelsi fyrir að hafa látið greipar sópa í tveimur herbergjum á heimavist Menntaskólans á Akureyri og Verkmenntaskólans á Akureyri í fyrrahaust.

Þar tók maðurinn fartölvu, Ipod og fjórar DVD-myndir og hafði á brott með sér. Maðurinn játaði á sig brotið en með því rauf hann skilorð dóms sem hann hlaut árið 2005. Við ákvörðun refsingar var litið til þess en með tilliti til ungs aldurs mannsins þótti rétt að skilorðsbinda þriggja mánaða dóm yfir honum til þriggja ára.