Nágrannar við Njálsgötu 74 eiga fund með borgarstjóra í dag

Nágrannar við Njálsgötu 74 eiga fund með borgarstjóra í dag klukkan 14:00 vegna fyrirætlana um rekstur heimilis fyrir karlmenn í virkri áfengis- og fíkniefnaneyslu að Njálsgötu 74. Ákvörðun velferðarráðs um málið verður tekin fyrir í borgarráði á morgun.

Íbúar hafa sent öllum borgarfulltrúum og borgarráðsmönnum erindi þar sem þess er óskað að þeir svari 12 spurningum við afgreiðslu málsins. Einnig kalla íbúar eftir heildstæðri stefnu stjórnvalda í málefnum heimilislausra og útigangsfólks og þá einnig með eflingu miðborgarinnar í huga.