Slapp ómeiddur úr brennandi íbúð

Maður slapp ómeiddur út um glugga á bakhlið á brennandi íbúð við Miklubraut, á móts við Miklatún, laust fyrir klukkan átta í morgun. Reykur meinaði honum útgöngu um dyrnar. Óttast var að tveir til viðbótar væru í íbúiðnni og voru sjö reykkafarar sendir inn en fundu engan.

Kjallari og tvær hæðir fyrir ofan íbúðina voru rýmdar til öryggis og reyndust þar vera um 20 manns, aðallega erlendir verkamenn. Engan þeirra sakaði. Skamma stund tók að ráða niðurlögum eldsins sem logaði í eldhúsinu. Eldsupptök eru ókunn en lögregla er á vettvangi að rannsaka eldsupptök.