Roma skellti Milan

Roma komst í dag í annað sætið í ítölsku A-deildinni með því að leggja heillum horfið lið AC Milan 1-0 á útivelli. Það var Mirko Vucinic sem skoraði sigurmarkið með skalla. Roma er tveimur stigum á eftir Inter sem gerði markalaust jafntefli við Palermo í dag.

Vucinic þessi hefur farið á kostum með Roma síðan honum var fengið að leysa hinn meidda Francesco Totti af hólmi, en hann skoraði sigurmark liðsins í sigri þess á Sporting í Meistaradeildinni í vikunni.

Inter hefur 21 stig í fyrsta sæti deildarinnar, Roma hefur 18, Juventus 17 og Fiorentina hefur 16 í fjórða sætinu og á leik til góða.