Brimborg lagar Volvó dísel

Brimborg hefur fengið í hendur öll gögn vegna eldhættu í Volvo dísel fólksbílum og býst við að lagfæringum hér á landi ljúki á tveim vikum. Tuttugu bílar í áhættuflokki hafa verið seldir hér á landi.

Volvo verksmiðjurnar hafa innkallað 38 þúsund díselbíla af árgerð 2006. Tegundirnar eru S60, V70, XC70 og XC90 vegna galla í eldsneytiskerfi sem getur í versta tilfelli valdið íkveikju. Eigendum er boðið að koma og láta skipta um gallaða hlutann og tekur það litla stund.