Tekur við Palermo í fjórða sinn

Francesco Guidolin var í dag ráðinn þjálfari Palermo en þetta er í fjórða sinn sem hann tekur við liðinu. Palermo er í sjöunda sæti í ítölsku A-deildinni en félagið rak Stefano Colantuono eftir 5-0 tap fyrir Juventus í gær.

Colantuono er fimmti þjálfarinn í efstu deild ítalska boltans sem fær að taka pokann sinn á þessu tímabili.

Guidolin er ekki að taka við Palermo í fyrsta sinn. Hann stýrði Palermo fyrst 2004 en hann tók við því í janúar það ár og náði góðum árangri. Hann kom liðinu upp í A-deildina og í Evrópusæti ári síðar. Eftir það var hann ráðinn til Genoa.

Sumarið 2006 var hann óvænt ráðinn aftur til Palermo. Liðið byrjaði tímabilið vel en síðan fór að halla undan fæti og var hann rekinn 23. apríl á þessu ári. Aðeins tuttugu dögum síðar var þó ákveðið að endurráða Guidolin sem stýrði liðinu út leiktíðina og lét síðan af störfum.

En nú er hann enn og aftur mættur til starfa og segja stjórnarmenn Palermo að nú sé hann kominn til að vera.